Lærlingur til goymsluna

 

Nú hevur tú møguleikan at koma í læru á goymsluni hjá okkum. Vit bjóða eitt spennandi og avbjóðandi lærupláss við nógvum avbjóðingum.

Sum goymslulærlingur kemur tú saman við okkara goymslutoymið at standa fyri innkeypi og sølu av øllum eykalutum, bæði til okkara kundar og okkara verkstað.

Vit vænta, at tú ert fyrikomandi, ábyrgdarfull/ur og røkin. Eisini vænta vit, at tú hevur góðan teldukunnleika og dugir at orða teg skrivliga og munnliga á donskum. Tað er ein fyrimunur, um tú hevur HH, HF- ella studentsprógv.

Uppgávur verða m.a. vøruumsiting, kunda- og telefonavgreiðsla og aðrar fyrifallandi uppgávur á goymsluni. Skúlagongd í sambandi við læruna er í Danmark.

Ynskir tú nærri upplýsingar um læruplássið, ert tú vælkomin at seta teg í samband við Pól Jákup Poulsen, stjóra, á telefon 345400 ella senda ein teldupost til pjp@autoservice.fo.

 

Umsókn við prógvi og møguligum viðmælum skal vera okkum í hendi í seinasta lagi 27. oktober 2017, og skal sendast til Auto Service P/F, Undir Krákugjógv 19, Postmoga 3168, 110 Tórshavn ella sum teldupost til as@autoservice.fo.